MESA- Non MESA वाद उफाळला

MESA, Non-MESA वाद उफाळला; दोन गटात धुमश्चक्री.

(Non-MESA कार्यकर्त्यांकडून MESA च्या TSD ला मारहाण )  

आज पुन्हा एक नवीन बातमी घेऊन तुम्हा सर्वांच्या भेटीला येतोय . मागील ब्लॉग च्या प्रतिक्रियांमधून असं लक्षात आलं कि , बातमीच्या आधी  थोडी पार्श्वभूमी देणं गरजेचं आहे . त्यानुसार या ब्लॉग मध्ये थोडासा बदल करत आहे .

पार्श्वभूमी - कोणत्याही कॉलेज मध्ये विविध प्रकारचे ग्रुप्स असतात . ग्रुप्स विना कॉलेज म्हणजे मिठाविना जेवण . मीठ चवीनुसार/स्वादानुसार घ्यावं असं म्हणतात, तसंच कॉलेज मध्ये सम स्वाद असणाऱ्या लोकांचे ग्रुप बनलेले असतात. अशाच सम स्वाद असणाऱ्या लोकांचे वालचंद महाविद्यालयात आमच्या वर्गात पण प्रामुख्याने २ ग्रुप होते. MESA आणि  NonMESA. MESA अर्थातच Mechanical Engineering Student Association आणि या व्यतिरिक्त इतर सर्व लोक म्हणजे   Non MESA . ह्या दोन गटांमधला मुख्य फरक थोडक्यात सांगायचा झाला तर  MESA हा ग्रुप म्हणजे महाविद्यालयात घडणारे अनेक तांत्रिक /अतांत्रिक  (Technical /Non -Technical ) कार्यक्रम आयोजित करण्यासाठी सक्रिय असणारा एक गट  आणि अशा आयोजनात अथवा प्रयोजनात मुळात रस नसलेला पण इतर कशात तरी सक्रिय असा गट  म्हणजे Non-MESA . ह्या दोन संकल्पना फक्त ह्या बातमीला थोडं मसालेदार बनवण्यासाठी वापरण्यात आल्या असून, कोणत्याही   ग्रुपला  एकमेकांपेक्षा श्रेष्ठ किंवा  कनिष्ठ ठरवण्याचा हेतू नाही.

 

वृत्तात वापरलेल्या काही संदर्भांचं स्पष्टीकरण-

Assistant Board- हा एक द्वितीय वर्षात शिकणाऱ्या विद्यार्थ्यांचा सहकारी MESA गट जो प्रमुख गट अर्थात तृतीय वर्षात शिकणाऱ्या विद्यार्थ्यांना विविध technical /non - technical कार्यक्रमांच्या आयोजनात मदत करत असतो

GIM(General Interest Meet) – हि एक प्रथम वर्ष यांत्रिकी विभागात प्रविष्ट झालेल्या विद्यार्थ्यांसाठी आयोजित सभा असते , ज्यात या नवयुवकांना महाविद्यालयाच्या वातावरणाशी मिळतं जुळतं करून घेण्यासाठी विविध उपक्रम घेतले  जातात  . हे उपक्रम प्रामुख्याने MESA गटातर्फे आयोजित असतात.

TSD(Technical Service Director) -हि MESA गटातील एक विशिष्ट जबाबदारी असणारी पोस्ट आहे . हि पदवी असणाऱ्या व्यक्तीस तांत्रिक कार्यक्रमांच्या नियोजनासोबतच , Junior  विद्यार्थ्यांच्या तांत्रिक problems च समाधानही अंशतः करावं लागतं   

 

सांगली(दिनांक २९ जुलै २०१३) - येथील वालचंद महाविद्यालयातील D-5 या वसतिगृहात MESA व Non-MESA गटातील वाद पुन्हा एकदा उफाळून आला. सदरच्या दिवशी मेसा कार्यकर्त्यांचा सहकारी वर्ग (Assistant  Board) दुसऱ्या दिवशी होणाऱ्या GIM (General interest Meet ) या प्रथम वर्षात यांत्रिकी विभागात  प्रविष्ट विद्यार्थ्यांच्या  स्वागतासाठी घेण्यात येणाऱ्या कार्यक्रमासाठी तयारी करत होता . या कार्यक्रमाचं प्रमुख आकर्षण contraption हा रोमहर्षक  तांत्रिक देखावा  होता . या देखाव्याची तयारी करण्यात मेसा कार्यकर्ते प्रामुख्याने पलाश बाहेती , सौरभ  देखणा , सौरभ सावंत (पाटील ) , विपुल शिराळकर (वासरू)  इत्यादी मग्न होते . त्याचवेळी विरोधी पक्षनेते शंतनू गावडे (अध्यक्ष -नॉनमेसा गट) यांचे त्याठिकाणी आगमन झाले .  त्यावेळी शंतनू यांनी मेसा च्या कार्यक्रमबद्दल विचापूस केली. पण त्यास सौरभ देखणा यांच्याकडून जे उत्तर मिळाले ते अतिशय उग्र आणि झोंबणारे असे वाटले . राग अनावर झाल्याने विरोधी पक्ष नेत्यांकडून मेसाचे TSD असणाऱ्या सौरभ देखणा याना मारहाण करण्यात आली . काही प्रयत्नानंतर आणि पोलिसांच्या दबावानंतर वादावर पडदा पडला .

            आज होणाऱ्या GIM वर सदरच्या घटनेचे सावट उमटणार अशी शंका भागातील कार्यकर्त्यांकडून व्यक्त केली जात आहे . GIM साठी कडक पोलीस बंदोबस्त तैनात करण्यात आला आहे . दैनिक वालचंद शी बोलताना MESA प्रवक्ते अभिजित बागल म्हणाले , "घडलेली घटना अतिशय खेदजनक असून त्याबद्दल मी MESA प्रवक्ता या नात्यानं दिलगिरी व्यक्त करतो . सौरभ देखणा यांच्या प्रकृतीत हळूहळू सुधारणा होत आहे. "

म.रा.प. म ( महाराष्ट्र राज्य परिवहन महामंडळ) अध्यक्ष श्री सौरभ सावंत यांनी संध्याकाळी ६ वाजता सांगली- जयसिंगपूर या बस मधून दिलेली प्रतिक्रिया " हि घटना जिव्हारी लागणारी असून एक सहकारी आणि गावकरी या नात्यानं मी सौरभ देखणा यांच्याबाबतीत घडलेल्या कृत्याचा निषेध करतो . नियोजित बस धरून घरी जायचं असल्याने सौरभ देखणा यास मी इस्पितळात प्रविष्ट करण्यासाठी उपस्थित राहू शकलो नाही त्याबद्दल क्षमस्व "

            काल उशिरा हाती आलेल्या माहितीनुसार GIM अगदी शांततेत आणि सुव्यवस्थेत  पार पडली . जखमी अवस्थेत सौरभ देखणा यांनी contraption  हा देखावा अचूकपणे आणि निर्धारित वेळेत पार पाडला. त्याबद्दल त्यांच्या कार्याचा गौरव पंचक्रोशीत होत आहे . शंतनू गावडे यांनी मात्र घटनाक्रमाबद्दल मौन पाळलं आहे .

                                                                                                     -तुम्हा सर्वांच्या प्रतिक्रियांच्या अपेक्षेत 

                                                                                                                                    क्ष